२ श्रावन २०७८, शनिवार

कतै नचिनेको ठाउँमा जाँदा गुगल म्यापको प्रयोग गर्ने चलन बढ्दै गइरहेको छ । नेभिगेसनको लागि हामीले दैनिकजसो गुगल म्याप प्रयोग गर्ने भए पनि यसलाई प्रयोग गर्ने धेरै तरिका हामीलाई थाहा नहुन सक्छ, जसले हाम्रो म्यापको प्रयोगलाई अझ सहज बनाइदिन सक्छ ।

यस्ता छन् गुगल म्यापबारे जान्नैपर्ने १० सेटिङ

१. नेभिगेसन सेटिङ रिभ्यु गर्ने
गुगल म्यापलाई प्रभावकारी रुपमा प्रयोग गर्नका लागि पहिलो तरिका हो, आफ्नो फोनमा नेभिगेसन सेटिङ रिभ्यु गर्ने । कहिलेकाहिँ गुगल म्यापले सधैंजसो हिँडेको बाटोको पनि गलत नेभिगेसन दिन सक्छ ।

यसो हुनुमा गुगल म्यापको समस्याभन्दा पनि कहिलेकाहिँ तपाईंको फोनको नभिगेसन सेटिङ परिवर्तन भएको हुन सक्छ । उदाहरणको लागि तपाईंले कुनै ठाउँमा जानको लागि गुगल म्याप प्रयोग गर्नुभयो । तर तपाईंले त्यसलाई बेवास्ता गर्नुभयो र ‘अन’ नै छोड्नुभयो भने अर्कोपटक तपाईंले म्याप प्रयोग गर्नुहुदाँ तपाईंले गुगलले लामो रुट बताउन सक्छ ।

त्यसैले समय समयमा आफ्नो नेभिगेसन सेटिङलाई रिभ्यु गरिरहनु आवश्यक छ । त्यसको लागि आफ्नो आफ्नो यात्रा सुरु गर्नुपूर्व गुगल म्यापको प्रोफाइल आइकनमा जानुहोस् र सेटिङमा गएर नेभिगेसन बटनमा क्लिक गर्नुहोस् । त्यसपछि त्यहाँ भएको रुट अप्सनमा गएर आफूले चाहेअनुसार नेभिगेसनको सेटिङ व्यवस्थापन गर्न सकिन्छ ।

२. इन्कगनिटो मोड प्रयोग गर्नुहोस्
तपाईंले गुगल म्याप प्रयोग गर्न सुरु गरेपछि म्यापले पछि पछि आफैं तपाईंको लोकेसन सर्च गर्नसक्छ । तपाईंको डेटा प्रयोग गर्न सक्छ । यसमा बच्नको लागि तपाईंले इन्कग्निटो मोडमा गुगल म्याप प्रयोग गर्न सक्नुहुन्छ ।

३. लोकेसन हिस्ट्री पज गर्ने
गुगल म्यापले स्वत: रुपमा तपाईंको लोकेसन हिस्ट्री फलो नगरोस् भनेर चाहनुहुन्छ भने तपाईं यसलाई पज गर्न अर्थात् रोक्न सक्नुहुन्छ । यसका लागि म्यापको प्रोफाइल आइकनमा गएर ‘योर डाटा इन म्याप’ मा क्लिक गर्नुहोस् त्यसपछि लोकेसन हिस्ट्रीमा गएर अन बटनमा क्लिक गर्नुहोस ।

यसअन्तर्गत तपाईंको गुगल अकाउन्ट गतिविधि नियन्त्रण गर्ने पेज ओपन हुन्छ । त्यसपछि त्यहाँ लोकेसन हिस्ट्रीको साइडमा भएको निलो आइकन अफ गरिदिनुहोस् । यसले तपाईंको लोकेसन हिस्ट्री रोकिदिन्छ र तपाईंको पुरानो डाटाहरू पनि डिलिट हुन्छ

४. अफलाइनमा प्रयोग गर्ने गरी म्याप डाउनलोड गर्नुहोस्
कहिलेकाहिँ हामीहरू दुर्गम क्षेत्रतिर जादाँ त्यहाँ इन्टरनेटको पहुँच नहुन सक्छ । यसले तपाईंलाई नचिनेको ठाउँमा समस्या हुनसक्छ । त्यसको लागि तपाईं अफलाइन म्यान डाउनलोड गर्नसक्नुहुन्छ ।

अनलाइनमा जतिको अफलाइनमा ठ्याक्कै मिल्ने डेटा नहुन सक्छ । तर यसले पक्कै पनि तपाईंलाई कुनै ठाउँमा हराउनबाट भने जोगाउन सक्छ । यसको लागि म्यापको प्रोफाइल आइकनमा जानुहोस् र अफलाइन म्याप सेलेक्ट गर्नुहोस् ।

त्यसपछि सेट योर वन म्यापमा क्लिक गर्नुहोस् र त्यहाँ देखिने निलो मार्कले आफू जाने ठाउँको लोकेसन सेलेक्ट गर्नुहोस् । म्याप सेलेक्ट भइसकेपछि त्यसलाई डाउनलोड गर्नुहोस् । तपाईंले म्याप डाउनलोड गर्नुभएको दिन देखिन ३० दिनसम्म सो म्याप प्रयोग गर्न सक्नुहुनेछ ।

५. मल्टिपल स्टप अप्सन प्रयोग गर्नुहोस्
हुन त गुगलले तपाईंलाई चाहेको गन्तव्यमा सकेसम्म छोटो रुटबाट लान प्रयास गर्छ । तर कहिलेकाहिँ तपाईंलाई सिधै गन्तव्यमा जान मन नलाग्न पनि सक्छ । ठाउँ ठाउँमा रोकिएर जानुपर्ने पनि हुनसक्छ ।

यसका लागि तपाईंले म्यापको मल्टिपल स्टप अप्सन प्रयोग गर्न सक्नुहुन्छ । यसका लागि पहिले आफू रोकिनुपर्ने रुट सेलेक्ट गर्नुहोस् । त्यसपछि मोबाइल स्क्रिनको दाहिनेपट्टि देखिने तीन वटा डटमा क्लिक गर्नुहोस् । त्यहाँ गएर एड स्टप आइकनमा क्लिक गर्नुहोस् । यसरी तपाईंले आफू जानुपर्ने ठाउँमा विभिन्न रुट छुट्टाएर पनि जान सक्नुहुन्छ ।

६. रिमाइन्डर सेट गर्नुहोस्
गुगल म्यापले तपाईं पुग्नुपर्ने ठाउँमा सही समयमा पुग्नका लागि रिमाइन्डर नोटिफिकेसनको पनि व्यवस्था गरेको छ ।

यसका लागि पहिले आफ्नो गन्तव्य छनौट गर्नुहोस् । त्यसपछि मोबाइल स्क्रिनको दाहिनेतिर भएको तीन वटा डट क्लिक गर्नुहोस् र सेट अ रिमाइन्डर टु लिभ भन्ने अप्सनमा जानुहोस् ।

यसरी यसमा तपाईंले आफू निस्कने समय र पुग्नुपर्ने समय सेट गर्न सक्नुहुन्छ । जसको आधारमा तपाईंको यात्राको लागि गुगल म्यापले तपाईंलाई रिमाइन्डर दिन्छ ।

७. भेहिकल आइकन प्रयोग गर्नुहाेस्
तपाईंको यात्रामा गुगल म्यापलाई थोरै रमाइलो बनाउनका लागि तपाईंले गुगल म्यापको भेहिकल आइकन परिवर्तन गर्न सक्नुहुन्छ । साधारणतया तपाईंको गुगल म्यापमा निलो रंगको भेहिकल आइकन हुन्छ ।

सो भेहिकल आइकनमा क्लिक गर्दा तपाईंले त्यसमा अन्य अप्सनहरू पनि पाउन सक्नुहुन्छ जस्तै’ गाडीको आइकन । यसरी आफूलाई मनपर्ने आइकन पनि तपाईंले प्रयोग गर्न सक्नुहुनेछ ।

८. सार्वजनिक सवारी अप्सन प्रयोग गर्नुहोस्
सामान्यतया तपाईंले गुगल म्याप प्रयोग गर्नुहुँदा आफ्नो गन्तव्य सेट गरेपछि त्यहाँ रेल जस्तो आइकन देखिन्छ । त्यो आइकनमा क्लिक गर्नुभयो भने तपाईंले जानुपर्ने ठाउँमा सार्वजनिक सवारी प्रयोग गर्दा लाग्ने समय र त्यसको रुटको विवरण पाउन सकिन्छ ।

त्योसँगै सो साधनको अप्सनमा क्लिक गर्दा तपाईंले व्हिलचेयरको पहुँच भएको रुट, थोरै हिँड्नुपर्ने रुट लगायत अन्य रुट अप्सन प्रयोग गर्न सक्नुहुन्छ, जसले तपाईंको यात्रा झन् सहज बनाइदिन सक्छ ।

९. रियल टाइम लोकेसन शेयर
तपाईंले गुगल म्याप प्रयोग गर्नुहुँदा आफ्नो लोकेसन रियल टाइममा शेयर पनि गर्न सक्नुहुन्छ । आफ्नो सुरक्षाको हिसाबले तपाईंले आफूले प्रयोग गरिरहनु भएको म्यापको रुट शेयर गर्न सक्नुहुन्छ । यसका लागि म्यापको प्रोफाइल आइकनमा जानुहोस् । त्यसपछि त्यहाँ भएको शेयर अप्सनमा क्लिक गरेर आफूले चाहेको प्लेटफर्ममार्फत लोकेसन शेयर गर्न सक्नुहुन्छ ।

१० . लोकल व्यवसायहरूको बारेमा पत्ता लगाउन म्याप प्रयोग गर्नुहोस्
तपाईंले गुगल म्यापमार्फत आफ्नो वरीपरी भएका लोकल व्यावसायहरूको लोकेसन पत्ता लगाउन मात्र होइन । सो व्यावसायहरूको बारेमा थप जानकारी पनि पाउन सक्नुहुन्छ ।

आफूले चाहेको व्यवसायको लोकेसन राखी सकेपछि त्यहाँ भएकाे ‘अबाउट’ अप्सनमा गएर तपाईं त्यहाँ पुग्ने समय मात्र होइन, त्यहाँको अन्य स्थितिहरुको बारेमा पनि जानकारी पाउन सक्नुहुन्छ ।टेकपानावाट