१मङ्सिर २०७७ हाम्रो टीम नेपालले आज खुलामञ्चमा भाइटीका कार्यक्रम गर्दै सर्वसाधारणहरुलाई टीका लगाउने कार्यक्रम आयोजना गरेको छ । नेपालमा लकडाउन शुरु भएदेखि नै काठमाडौंको खुलामञ्चमा निःशुल्क खाना खुवाइरहेको टीम नेपालले भाइटीका कार्यक्रम आयोजना गरेर सार्वसाधारणलाई भाइटीका लगाएको हो । टीम नेपालकी संस्थापक सदस्य कविता पौडेलका अनुसार तिहारमा कसैको पनि निधार खालि नहोस भनेर यस्तो कार्यक्रम आयोजना गरेको बताइ ।
कोरोनाका कारण आफ्नो दिदीबहिनीहरुलाई भेट्न जान नपाएका दाजुभाइहरुलाई आज भाइटीकाको दिन सप्तरंगी टीकासँगै मखमलीको माला र ढाका टोपी लगाइदिएको पनि उनले बताइन् । यो वर्ष आफ्ना दिदीबहिनीहरुबाट टाढा भएपनि खुलामञ्चमा हाम्रो टीम नेपालका सदस्यहरुबाट भाइटीका लगाएका सर्वसाधारणहरु खुसी देखिएका छन् ।
