४ श्रावन २०७८, सोमवार
अरु लोग्ने मान्छे सगं वोलेको भन्दै बझाङमा श्रीमानले श्रीमतीको कान काटिदिएका छन ।
कान काट्ने मानलाई प्रहरीले पक्राउ गरेको छ । जयपृथ्वी नगरपालिका- १ भण्डारगाउँ निवासी २५ वर्षीय मनोज नेपालीले आफ्नै श्रीमती २१ वर्षीय जानकी नेपालीको कान काटेको आरोपमा पक्राउ परेका हुन् ।
मनोजले गत असार ३० गते परपुरुषसँग बोलेको भन्दै जानकीको कान चक्कुले काटेका थिए ।
घटनापछि उनी लगत्तै फरार भएका थिए ।
जानकीको जिल्ला अस्पताल बझाङमा उपचार भइरहेको छ ।
जानकीले बिहे भएको केही महिनादेखि नै श्रीमानले कुटपिट गर्दै आएको बताएकी छिन् । जानकीका तीन सन्तान छन् ।
मनोजमाथि ज्यान मार्ने उद्योगमा मुद्दा दर्ता गरी अनुसन्धान अगाडि बढाइएको जिल्ला प्रहरी कार्यालय बझाङले जनाएको छ ।
प्रतिक्रिया
सम्बन्धित खवर
