२७ आषाढ २०७८, आइतवार

रुकुम पश्चिम — मुसीकोट नगरपालिकाको केन्द्र अब ५ नम्बर वडाको सेरीगाऊँमा बन्ने भएको छ । नवौं नगरसभाले मतदानबाट सेरीगाउँमा सार्ने निर्णय गरेको हो ।

नगर सभामा ७२ जनामध्ये ४८ जनाले ५ नम्बर वडाको सेरीगाउँमा केन्द्र राख्ने पक्षमा मतदान गरेका थिए भने २४ जना अनुपस्थित थिए । विपक्षमा मत खसेन । कांग्रेसबाट निर्वाचित सभाका सदस्यले नगरसभा बहिष्कार गरेका थिए । माओवादी केन्द्रबाट निर्वाचित सबैले पक्षमा गरेका थिए । सभाको संख्या ७५ हो, जसमध्ये २ जना जिल्ला समन्वय समितिमा गइसकेका छन् । एक सदस्यले राजीनामा दिएपछि सभामा ७२ जना छन् ।