२२ आषाढ २०७८, मंगलवार
कालिकोटको नरहरिनाथ गाउँपालिकाको लालिघाटमा जीप दुर्घटना भएको छ ।

सदरमुकाम मान्मा आउँदै गरेको क १ ज २३ नम्बरको जिप  शान्तिघाटको ओरालोमा दुर्घटना हुँदा एक जनाको मृत्यु भएको छ भने चार जना घाईते भएका छन ।
मृत्यु हुनेमा रास्कोट  ३ की ३५ वर्षीया पम्फा फडेरा रहेकि छिन ।

उनका घटनास्थलमै मृत्यु भएको जिल्ला प्रहरी कार्यालय कालिकोटका सूचना अधिकारी प्रहरी निरीक्षक भूपेन्द्र शाहीले बताए ।घाइते हुनेहरूमा रास्कोट ३ का २७ वर्षीय चक्रनाथ योगी, वडा नम्बर २ का ४७ वर्षीय कविराज न्यौपाने, वडा नम्बर ६ का ४० वर्षीय ध्वजबहादुर शाही र ३५ वर्षीया मैना शाही छन् ।

घाइतेलाई उपचारका लागि जिल्ला अस्पताल मान्म ल्याइएको छ ।

घाइतेको अवस्था सामान्य रहेको प्रहरीले जनाएको छ । गाडी स्टार्ट भएकै अवस्थामा रोकेर चालक बाहिर निस्केका कारण आफै गाडी गुडेर दुर्घटना भएको घाईतेहरुले बताएका छन । गाडी सडकको भित्तामा ठोक्किएर पल्टिएको थियो । जिपमा १४ जना यात्रु सवार थिए ।