१९ श्रावन २०७८, मंगलवार
पूर्वपश्चिम राजमार्ग अन्तरगत सप्तरीको खडक नगरपालिका ४ अमहामा सोमबार साँझ भएको मोटरसाइकल दुर्घटनामा दुई जनाको मृत्यु भएको छ भने दुई जना घाइते भएका छन् ।
दुर्घटनामा परी मोटरसाइकल चालक सप्तरीको शम्भुनाथ ७ बस्ने २८ वर्षिय बुद्धसागर चौधरीको घटनास्थलमै र सिरहाको लहान १७ बस्ने २८ वर्षिय रामशंकर यादवको उपचारका क्रममा मृत्यु भएको हो ।
सप्तरीको शम्भुनाथ ७ बस्ने २८ वर्षिय आनन्द चौधरी र लहान २० बस्ने २३ वर्षिया सोनम चौधरी घाईते भएका छन । घाईते दुबैको लहानस्थित अस्पतालमा उपचार भइरहेको छ ।
पश्चिमबाट पुर्बतर्फ जादै गरेको बा.२ख. ५६८२ नं.को बसलाई सोही दिशाबाट जादै गरेको स.११प. ४०३८ न.को मोटरसाइकलले ओभरटेक गर्ने क्रममा अनियन्त्रित भई विपरित दिशाबाट आउदै गरेको र प्र.न.२–०१–००१ प ९५५६ न.को मोटरसाइकलमा ठोकिदा दुर्घटना भएको हो । मोटरसाइकल, बस र बसका चालक प्रहरी नियन्त्रणमा रहेको थप अनुसन्धान कार्य जारी रहेको जिल्ला प्रहरी कार्यालय सप्तरीले जनाएको छ ।
