७ श्रावन २०७८, बिहिवार
साउदी अरवले कोरोना महामारीका कारण देशबाहिर रोकिएका विदेशी श्रमिकको आवासीय अनुमति पत्र (अकामा) को म्याद थपिदिने भएको छ ।
कोरोनाको कारण साउदी फिर्ता हुन नसकेका विदेशी श्रमिकहरुको आवासीय अनुमति पत्र (अकामा) को म्याद आगामी ३१ अगस्टसम्म बढाइदिने भएको छ ।
यसबाट बिदामा नेपाल आएर फिर्ता हुन नसकेका नेपालीहरुले पनि लाभ लिन सक्ने भएका छन् ।नेपालबाट भिसा करार सकिएका श्रमिकहरुले पनि साउदीको नयाँ नीतिको लाभ लिन सक्नेछन् ।
साउदीका स्थानीय सञ्चार माध्यामहरुले कोरोनाका कारण बिभिन्न देशमा विदामा गएका श्रमिकलाई यसबाट राहत मिल्ने जनाएका छन् ।
त्यस्तै साउदीले भिजिट भिसा र एक्जिट एन्ड इन्ट्री भिसाको म्याद पनि सोहि अवधि सम्म (३१ अगस्ट) निःशुल्क बढाउने जनाएको छ । कोरोनाको कारण समयमै देश छाड्न र फर्कन सक्ने अवस्था नभएको भन्दै साउदीले यो नीति लिएको जनाइएको छ ।
हाल साउदी अरेबियाले कोभिड १९ का विरुद्धको खोप लगाएका व्यक्तिलाई आफ्नो देशमा आउन पाउने अनुमति दिएको छ । कोभिड खोप दुवै मात्रा लगाएका व्यक्तिलाई मात्र देश भ्रमणको अनुमति दिइने निर्णय साउदी अरेबियाको सरकारले गरेको अवस्था छ ।
प्रतिक्रिया
सम्बन्धित खवर
