झापा, दमक नगरपालिका-३ बेलडागी बस्ने मनु गुरुङको घरमा तास खेलिरहेका ५ जनालाई शनिबार साँझ प्रहरीले पक्राउ गरेको  छ । पक्राउ पर्नेहरुमा सोही ठाउँ बस्ने ३८ वर्षीय प्रकाश राई, ३६ वर्षीय नरेश दाहाल, ३६ वर्षीय कुमार तामाङ, बिर्ख मान राई र २४ वर्षीय शन्तबीर तामाङ रहेका छन् । तास खेलिरहेको भन्ने विशेष सूचनाको आधारमा ईलाका प्रहरी कार्यालय दमकबाट खटिएको प्रहरीले १ लाख ५७ हजार रुपैयाँ र १ बुङ तास सहित उनीहरुलाई पक्राउ गरेको हो ।
दाङ, घोराही उपमहानगरपालिका-१५ पाठकचोक बस्ने याम बहादुर थापाको घरमा तास खेलिरहेको अवस्थामा सोही ठाउँ बस्ने ३१ वर्षीय राजेन्द्र केसी लगायत ५ जनालाई शनिबार साँझ प्रहरीले पक्राउ गरेको छ । उक्त घरमा तास खेलिरहेको भन्ने सूचनाको आधारमा जिल्ला प्रहरी कार्यालय दाङबाट खटिएको प्रहरीले ३ गड्डी तास र ३० हजार ३ सय ९५ रुपैयाँ नगदसहित उनीहरूलाई पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको छ ।