काठमाडौं, १४ चैत्र – नेपालमा राजतन्त्र पुनःस्थापनाको माग गर्दै भइरहेको प्रदर्शनहरूमा पूर्व वाइसीएल सदस्यहरू समेत सहभागी भएको खुलासा भएको छ। सुरक्षा निकायहरू उनीहरूको संलग्नताले अन्योलमा परेका छन्।

सुरक्षा स्रोतका अनुसार, काभ्रेपलाञ्चोक, नुवाकोट र धादिङका वाइसीएल जिल्ला कमिटीका पूर्वसदस्यहरू राजावादी प्रदर्शनमा देखिएको पुष्टि भएको छ। सुरक्षा अधिकारीहरूले उनीहरूको तस्वीर तथा पहिचानसमेत प्रमाणित गरिसकेको जनाइएको छ।

राजावादी प्रदर्शनमा वाइसीएल सदस्यहरू किन सहभागी भए? यो स्वतन्त्र निर्णय हो, कि कुनै रणनीतिक योजना? यस विषयमा सुरक्षा निकाय थप अनुसन्धानमा जुटेको छ।

यस घटनाले राजनीतिक वृत्तमा नयाँ बहस सिर्जना गरेको छ। राजतन्त्रको पक्षमा भएका प्रदर्शनहरू स्वाभाविक छन् कि कुनै बाहिरी शक्ति वा आन्तरिक रणनीतिक चाल हो भन्ने प्रश्न पनि उठ्न थालेको छ।

सरकार र सुरक्षा निकायको आधिकारिक धारणा आउन बाँकी छ, तर प्रदर्शनको पछाडि नयाँ शक्ति समीकरण वा असन्तुष्ट ध्रुवीकरणको संकेत हुन सक्छ भन्ने अनुमान गरिएको छ।

#rastradaily