काठमाडौं, १२ चैत्र – सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई पदबाट बर्खास्त गरेको निर्णयलाई लिएर देशभर तीव्र विरोध भइरहेको छ। सरकारले बिना कुनै ठोस कारण लोडसेडिङ अन्त्य गरी ऊर्जा क्षेत्रमा क्रान्तिकारी परिवर्तन गरेका घिसिङलाई हटाउनु गम्भीर षड्यन्त्र भएको नेताहरूको धारणा छ।
नेकपा (माओवादी केन्द्र) का वरिष्ठ नेता नारायणकाजी श्रेष्ठले सरकारको निर्णयप्रति आक्रोश व्यक्त गर्दै भने, “देश र जनताको हितविरुद्ध गरिएको यो दुरासयपूर्ण, स्वेच्छाचारी र निरंकुश निर्णयको जति निन्दा गरे पनि कम हुन्छ। सुशासनको धज्जी उडाउँदै देशलाई थप संकटमा धकेल्ने यो सरकारको लज्जास्पद कुकर्मको पराकाष्ठा हो।”
श्रेष्ठले थपे, “देशलाई संकटबाट जोगाउन यस्ता आपत्तिजनक कार्य, प्रवृत्ति र शक्तिलाई परास्त गर्न सबैले संगठित भूमिका खेल्न आवश्यक छ।”
सरकारको यो कदमलाई लिएर नागरिक तहदेखि राजनीतिक वृत्तसम्म व्यापक आलोचना भइरहेको छ। सामाजिक सञ्जालमा ‘#JusticeForKulman’ जस्ता अभियानहरू चलिरहेका छन् भने आम जनताले सरकारको निर्णयको विरोधमा उत्रनुपर्ने आवाज उठाइरहेका छन्।
के सरकारले आफ्नो निर्णय सच्याउनेछ? कि कुलमान घिसिङको बर्खास्तीसँगै नेपाल फेरि लोडसेडिङतर्फ फर्कनेछ?
यस विषयमा थप विवरण आउन बाँकी छ।
प्रतिक्रिया
सम्बन्धित खवर
