मिर्मी, ०५ चैत्र – त्रिभुवन विश्वविद्यालयबाट सम्बन्धन प्राप्त मिर्मी बहुमुखी क्याम्पसले स्ववियु निर्वाचन सहमतिको आधारमा गर्ने निर्णय गरेको छ। क्याम्पस प्रशासनले जनाएका अनुसार, निर्वाचनको विषयमा निरन्तर रुपमा वार्ता चलिरहेको र आज २०८१/१२/०५ गतेसम्म पनि वार्ता जारी रहेको जनाएको छ।
क्याम्पसले स्पष्ट पारेको छ कि सहमति पश्चात मात्रै निर्वाचन प्रक्रिया बारे निर्णय गरिनेछ। मिर्मी बहुमुखी क्याम्पस विशुद्ध सामुदायिक क्याम्पस भएकाले सबै कार्यहरू समुदायको सहभागिता र सहयोगमा सञ्चालन गर्नुपर्ने अवस्था रहेको क्याम्पस प्रशासनले उल्लेख गरेको छ। यसैले, क्याम्पस प्रशासनले समाज विरुद्ध निर्णय नगर्ने अठोट जनाएको छ।
यस विषयमा क्याम्पसले सबैलाई अनाधिकृत रूपमा सामाजिक सञ्जालमा समाचार सम्प्रेषण नगर्न र त्यस्ता समाचारहरूमा विश्वास नगर्न अनुरोध गरेको छ।
*पुनश्च:* क्याम्पस प्रशासनले मिति २०८१/१२/०६ गते बिहान ८:०० बजे थप जानकारी दिने बताएको छ।
प्रतिक्रिया
सम्बन्धित खवर
