प्रचण्डले माओवादीभित्र कांग्रेस र एमालेका रोग देखिएपछि जनतासँग समाधान खोज्न पार्टीभित्र परामर्श बैठक आयोजना गर्ने बताए

नेकपा माओवादी केन्द्रका अध्यक्ष पुष्पकमल दाहाल प्रचण्डले कांग्रेस र एमालेसँग कहिले सहकार्य गर्दा त कहिले विपक्षी बनाउँदा ती दलका रोगहरू आफ्नो पार्टीमा पनि देखिन थालेको बताएका छन्।

उनले भने, “कांग्रेस र एमालेसँगको सहकार्यका कारण माओवादीमा पनि उनीहरूको रोग देखिन थालेका छन्। यसलाई समाधान गर्नका लागि म पार्टीभित्र विभिन्न तहका परामर्श बैठक गरेर यसका कारण र समस्याहरू पहिचान गर्नेछु।”

अध्यक्ष प्रचण्डले थपे, “यस रोगको उपचारका लागि जनतासँगको सिधा संवाद र मार्गदर्शन आवश्यक छ। यो उपचारको डाक्टर भनेको केवल जनता नै हुन् भन्ने निष्कर्षमा पुगेको छु।”

उनले पार्टीभित्रको समस्याको समाधान जनतासँगको सक्रिय संवाद र सहकार्यबाट मात्र सम्भव हुने बताउँदै, पार्टीका सबै तहका सदस्यहरूलाई यसमा ध्यान केन्द्रित गर्न आह्वान गरेका छन्।