पूर्वी नाकामा गाडी मोडिफाई गरी सामान तस्करी हुने गरेको खुलासा भएको छ । बुधबार सशस्त्र प्रहरीले मोडिफाई गरेको एक कारबाट करिब २ लाख रुपैयाँ मूल्यको सवारी पार्टपुर्जा बरामद गरेको छ ।

दिउँसो पूर्वी नाकाबाटै प्रवेश गरेको डब्ल्यूबी ७४ एटी ३९४० नम्बरको भारतीय कार भन्सार र प्रहरीको जाँच छिचोलेर पूर्व–पश्चिम राजमार्गको निन्दा पुल नजिक पुगेको थियो । राजमार्गमा तैनाथ सशस्त्रले पुनः जाँच गर्ने क्रममा गाडीको डिकीभित्र अवैध पार्टपुर्जा फेला पारिएको सशस्त्र प्रहरी बल नेपाल नं. २ गण हेडक्वार्टर झापाका डीएसपी देवराज अर्यालले जनाए ।

https://amzn.to/4myfPN5

‘यो गाडीले केही समयदेखि निरन्तर सामान तस्करी गरेको सूचना प्राप्त भएको थियो,’ अर्यालले भने, ‘लामो प्रयत्नपछि फेला पारिएको हो ।’ यसअघि पनि यही कारभित्र चाँदी भित्र्याइएको सूचना सशस्त्रले पाएको थियो ।

करिब १६ लाख ९० हजार रुपैयाँ बराबरको कार र सामान मेची भन्सार कार्यालयमा बुझाइएको उनले जानकारी दिए ।