काठमाडौं : राष्ट्रिय स्वतन्त्र पार्टीले प्रधानमन्त्री पुष्पकमल दाहाल प्रचण्डलाई विश्वासको मत दिने भएको छ। आज सिंहदरबारमा बसेको संसदीय दलको बैठकमा मंगलबार सरकारलाई विश्वासको मत दिने र अन्य दललाई पनि मत दिन आह्वान गर्ने निर्णय भएको सांसद सन्तोष परियारले जानकारी दिए। बैठकमा विश्वासको मत दिनुको विकल्प नभएको बताइएको छ।

परियारले संसदको अध्यक्षमण्डलमा डा. चन्दा कार्कीलाई सिफारिस गरेको जानकारी दिए। बैठकमा उपप्रधान तथा गृहमन्त्री एवम् पार्टी सभापति लामिछानेले सम्बोधन गर्ने उनले बताए।

रास्वपाले संसदीय दलको नेतामा सभापति रवि लामिछानेलाई चयन गरेको छ। तर दलको उपनेता, प्रमुख सचेतक चयन हुन बाँकी रहेकाले विधान बमोजिम केही दिनभित्रै पूरा उनले बताए।