मकवानपुर प्रतिनिधि सभा क्षेत्र नम्बर १ मा सूर्य चुनाव चिन्ह लिएर उम्मेदवार बनेका कमल थापाले हार स्विकारेका छन्।

उनी नेपाली कांग्रेसकी महालक्ष्मी उपाध्याय (डिना) सँगको प्रतिस्पर्धामा थिए। डिनाले सुरू देखि नै अग्रता लिँदै आएका छन्।

https://amzn.to/4myfPN5

बिहीबार बिहान ट्विट गर्दै कमल थापाले पराजयलाई सहर्ष स्विकारेको बताएका छन्। उनले मतदातालाई आभार व्‍यक्त गरेका छन्।

उनले पराजय भएपनि देश र जनताको हितमा सक्रिय रहिरहने बताए।

‘२०७९ सालको चुनावले सकारात्मक परिवर्तनको पक्षमा दिएको सशक्त सन्देशलाई सबैले मनन गर्नु जरूरी छ। प्रजातान्त्रिक अभ्यासमा हारजित स्वभाविक हो। व्यक्ति हारेपनि देश,जनता र लोकतन्त्र बलियो हुँदै जानुपर्छ,’ उनले भने, ‘सनातन धर्म संस्कृति रक्षाको आवाज कमजोर हुँदै जान लागेकोमा भने केही खिन्नता लागेको छ।’