एमालेले काठमाडौंका १ महानगरपालिका र १० नगरपालिकाका लागि प्रमुख र उपप्रमुखका उम्मेदवारको टुङ्गो लगाएसँगै उम्मेदवारी दर्ताको क्रम शुरु भएको छ । सोमबार एमालेले काठमाडौंका सम्पूर्ण पालिकाहरुको उम्मेदवार टुङ्गो लगाएको एमाले काठमाडौं सहइन्चार्ज कृष्ण राईले जानकारी दिए ।
आगामी बैशाख ३० गते हुने स्थानीय तह निर्वाचनका लागि एमालेका उम्मेदवारहरूमा काठमाडौं महानगर प्रमुखमा केशव स्थापित, उपप्रमुखमा सुनिता डंगोल, शंखरापुर नगरपालिका प्रमुखमा कृष्णलाल बजगाईं, उपप्रमुखमा लक्ष्मी केसी, कागेश्वरी मनहरा नगरपालिका प्रमुखमा रामशरण ढुङ्गाना, उपप्रमुखमा अनिता लामा, गोकर्णेश्वर नगरपालिका प्रमुखमा उद्धव विष्ट, उपप्रमुखमा सान्नानी बिष्ट रहेका छन् ।
