नेपाली काँग्रेसको भ्रातृ संस्था नेपाल विद्यार्थी संघ (नेविसंघ) ले ५३ औं स्थापना दिवस मनाउँदै छ । विहान ११ बजे प्रज्ञा प्रतिष्ठान कमलादीमा हुने उक्त कार्यक्रमलाई प्रधानमन्त्री शेरबहादुर देउवाले सम्बोधन गर्दैछन् ।
नेविसंघका अध्यक्ष दुजाङ शेर्पाले स्थापन दिवसमा नेविसंघले आफ्ना संस्थापक सदस्यलाई सम्मान गर्ने लागेको बताए । उनले भने, ‘नेविसंघ तयारी समिति र संस्थाक कार्यसमितिका सदस्यलाई सम्मान गर्दैछौं । तयारी समितिमा ८ जना हुनुहुन्छ । संस्थापक कार्यसमितिका १४ जना सदस्य हुनुहुन्छ । जसमा ४ जनाको निधन भइसकेको छ । बाँकी आज उपस्थिति हुने सबैलाई सम्मान गर्न लागेका हौं ।’
उनका अनुसार स्थापना दिवसका अवसरमा नेविसंघले आफ्नो एप सार्वजिनक गर्दै छ । नेविसंघको साधारण सदस्यतालाई अनलाइन प्रणालीमार्फत व्यवस्थित बनाइएको शेर्पाको भनाइ छ ।
प्रतिक्रिया
सम्बन्धित खवर
