२५ भाद्र २०७८, शुक्रवार
नेपाली राष्ट्रिय पुरुष फुटबल टिम साफ च्याम्पियनसीपको तयारीका लागि कतार प्रस्थान गरेको छ । नेपाली टोली शुक्रबार कतार एअरवेजबाट कतार प्रस्थान गरेको हो ।
नेपालले कतारमा करीब दुई साता प्रशिक्षण गर्नेछ । मुख्य प्रशिक्षक अबदुल्लाह अलमुताइरी यसअघि नै कतार पुगिसकेका छन् ।
अखिल नेपाल फुटबल संघ एन्फाले बिहीबार नेपाली टोलीलाई बिदाइ गरेको थियो । कतारमा प्रशिक्षणपछि नेपाली टोली सेप्टेम्बर २७ मा साफ च्याम्पियनसिपका लागि उतैबाट माल्दिभ्स जानेछ । १३औं संस्करणको साफ च्याम्पियनसीप अक्टोबर १ देखि १६ सम्म हुनेछ ।
