२१ भाद्र २०७८, सोमवार
नेपाली कांग्रेसनिकट जनसम्पर्क समिति बेलायतले आसन्न एनआरएनए आइसीसी निर्वाचनमा अध्यक्ष पदमा रविना थापालाई समर्थन गर्ने भएको छ ।
आइतबार सभापति युवराज गुरुङको अध्यक्षतामा सम्पन्न कार्य सम्पादन समितिको बैठकले थापालाई समर्थन र सहयोग गर्ने निर्णय गरेको जनाइएको छ ।
जनसम्पर्क समिति जापान र अमेरिकाकी संस्थापक सदस्य समेत रहेकी एनआरएनए आइसीसीकी वर्तमान उपाध्यक्ष रविनालाई बेलायत कांग्रेसले समर्थन जनाएको हो ।
म्याग्दीका कांग्रेस नेता दिलबहादुर केसीकी छोरी रविना जनसम्पर्क समिति जापान र अमेरिकाकी संस्थापक सदस्य रहेको तथा उनका श्रीमानसहित सिंगो परिवार नै कांग्रेस राजनीतिमा सक्रिय रहेकाले पनि उनलाई सघाउने निर्णय गरिएको जनसम्पर्क समिति बेलायतले जनाएको छ ।
समितिले आइसीसीको उपाध्यक्षमा थर्क सेन, महासचिवमा विनय अधिकारी र युरोप उपसंयोजकमा दयानिधि सापकोटालाई समेत समर्थन र सहयोग गर्ने निर्णय गरेको छ ।
प्रतिक्रिया
सम्बन्धित खवर
