१८ भाद्र २०७८, शुक्रवार
गायिका स्मिता दाहालले पहिलो पटक हिन्दी गीतमा स्वर दिएकी छन् ।
भारतको प्रतिष्ठित कम्पनी टि–सिरिजको पप चार्टबस्टर्स नामक यूट्युब च्यानलबाट शुक्रवार उनको स्वरमा रहेको हिन्दी गीत ‘इबादत बन गए हो’ सार्वजनिक भएको छ । गायनमा उनलाई गायक शबाब सबरीले साथ दिएका छन् । गीतको भिडियोमा गायिका स्मिता र अर्जुन बिज्लानी फिचर्ड छन् ।
भिडियोमा राजीव एस रुयाको निर्देशन छ । भिडियो पुनम यादवले निर्माण गरेकी हुन् । गीतको भिडियोमा भारतको देहरादूनको मसुरी र उत्तराखण्डको ऋषिकेशको सुन्दरतालाई कैद गरिएको छ ।
