१७ भाद्र २०७८, बिहिवार
अफगानिस्तानबाट थप १० जना नेपालीको उद्धार गरिएको छ । परराष्ट्र मन्त्रालयका अनुसार बुधबार साँझ फ्लाई दुबइको नियमित उडानबाट ६ जना र कतार एयरको नियमित उडानबाट २ जना तथा बिहीबार कतार एयरको नियमित उडानबाट २ जना समेत गरी थप १० जना नेपाली स्वदेश फर्किएका हुन् ।
हालसम्म अफगानिस्तानबाट ८५७ जना नेपाली नागरिकको उद्धार गरिएको छ । अझै अफगानिस्तानको राजधानी काबुलमा ३४ जना नेपाली उद्धारको पर्खाइमा छन् । उनीहरुको उद्धारका लागि नेपालले सबै पक्षसँग समन्वय गरिरहेको परराष्ट्र मन्त्रालयले जनाएको छ ।
