१३ भाद्र २०७८, आइतवार
तालिबानले आफूले कब्जा लिन नसकेको उत्तर अफगानिस्तानको पंजशीर प्रान्तमा इन्टरनेट बन्द गरेको छ । तालिबान विरोधीहरुको गढ मानिएको पंजीशरलाई नियन्त्रणमा लिने तालिबानले प्रयास गरे पनि सफल हुन सकेको छैन ।
काबुलमा तालिबानको कब्जापछि भागेर पंजशीर पुगेका तत्कालीन उपराष्ट्रपति अमरुल्ला सालेहले लगातार ट्वीट गर्दै तालिबान विरोधीलाई निर्देशन दिन थालेपछि तालिबानले इन्टरनेट बन्द गरेको अन्तर्राष्ट्रिय सञ्चार माध्यमहरुले जनाएका छन् ।
अमरुल्ला सालेहले ट्वीट गर्दै तालिबानको प्रतिरोध गरिने बताउँदै आएका छन् । उनले आफूलाई कार्यबाहक राष्ट्रपतिसमेत घोषणा गरेका छन्।
तालिबानले काबुलमा १५ अगस्टमा कब्जा गरेका थिए । यसअघि १९९४ देखि २००१ सम्म अफगानिस्तानमा तालिबानको सरकार रहँदा पनि पंजशीर तालिबानको कब्जा हुन सकेको थिएन ।
प्रतिक्रिया
सम्बन्धित खवर
