१२ भाद्र २०७८, शनिवार

सुदूरपश्चिमबाट अस्ट्रेलियामा काम गर्दै आएका नेपालीले बैतडीमा हत्या गरिएकी भागरथी भट्टका आफन्तलाई २ लाख ७० हजार ८४० रुपैयाँ सहयोग गरेका छन् ।

सिआईडी–नेपालको समन्वय तथा सहकार्यमा नेपलिज एसोसिएसन अफ भिक्टोरिया ९न्याभ० र मल्टी डाइनामिक रियल स्टेट मेलबर्न अस्ट्रेलिया बाट सो रकम सहयोग गरिएको हो ।

गत माघ २१ गते बेपत्ता भएकी भागरथीको शव माघ २२ गते बैतडीको लबलेक सामुदायिक जङ्गलमा हत्या भएको अवस्थामा फेला परेको थियो । शनिबार सो रकम सुदूरपश्चिम प्रदेशका मुख्यमन्त्री त्रिलोचन भट्टले भट्टका आफन्त कृष्ण भट्टमार्फत आमा द्रोपती भट्टलाई हस्तान्तरण गरेका हुन् ।