९ भाद्र २०७८, बुधवार
ओलम्पियन गौरिका सिंहलाई कोरोना संक्रमण भएको छ । जापानमा सम्पन्न टोकियो ओलम्पिकमा प्रतिस्पर्धा गरेर वेलायत पुगेकी गौरिकाले सामाजिक संजालमार्फत आफूलाई संक्रमण भएको जानकारी दिएकी छिन् ।
उनले आफूलाई कुनै लक्षण नदेखिएको र खोपको दुवै डोज लगाएपनि १० दिनको लागि क्वारेन्टिन बस्ने बताएकी छिन् । उनले नियमित मास्क लगाएर स्वास्थ्य मापदण्ड पालना गरेपनि संक्रमण भएको बताइन् ।
गौरिकाले आफूलाई कुनै लक्षण नरहेको र परिक्षण नगरेको भए संक्रमणबारे थाहा नहुन सक्ने बताइन् । उनले सबैलाई सुरक्षित रहन अनुरोध गर्दै आफ्नो सुस्वास्थ्यको कामना गर्ने सम्पूर्णलाई धन्यवाद व्यक्त गरिन् ।
प्रतिक्रिया
सम्बन्धित खवर
