३ भाद्र २०७८, बिहिवार
एमालेका अध्यक्ष केपी शर्मा ओलीले माधव नेपालले पार्टी फुटाउने उद्देश्य राखेकै कारण पार्टी एकता हुन नसकेको बताएका छन् ।
भक्तपुरमा आयोजित कार्यक्रमलाई सम्बोधन गर्दै आफूले पार्टी एकताका लागि बारम्बार प्रयास गर्दा पनि माधव नेपालले पार्टी फुटाउने उद्देश्य राखेका कारण एकता हुन नसकेको बताएका हुन् ।
नेपालले लामो समय पार्टीको नेतृत्व गरेको तर त्यस क्रममा पार्टी खुम्चिएर कचौरा जत्रो हुन पुगेको बताएका छन् ।
नेपालको कार्यकालमा एमाले सडक र संसद दुवै मोर्चामा खुम्चिएको ओलीको भनाइ छ ।
माधव नेपालले पार्टीलाई सिध्याउने भूमिकामै केन्द्रित रहेको उनले बताए ।
