२ भाद्र २०७८, बुधवार

नेपाली कांग्रेसका केन्द्रीय सदस्य गगन थापाले राजनीतिक दलसम्बन्धी अध्यादेश ल्याउन गलत भएको बताएका छन्।

‘संसद अधिवेशन हठात अन्त्य गरेर संसद छल्दै अध्यादेश ल्याउन गलत। हिजो पनि गलत, आज गलत र सधैं गलत, जसले गरे पनि गलत,’ बुधबार ट्वीट गर्दै थापाले भनेका छन्।

यसअघि एमाले अध्यक्ष केपी शर्मा ओलीले २०७७ वैशाख ८ मा राजनीतिक दल सम्बन्धी अध्यादेश ल्याएका थिए। त्यसबेला विरोध भएपछि चार दिनपछि फिर्ता लिइएको थियो।

‘हिजो ओलीले ल्याउँदा गलत भन्ने त्यसको विरूद्धमा उभिने कसैलाई पनि आज समर्थन गर्ने हक छैन/हुँदैन,’ थापाले भनेका छन्, ‘समर्थन गर्ने भए त्यतिवेला विरोध गरेकोमा सार्वजनिक माफी माग्नुपर्छ।’