३० आषाढ २०७८, बुधवार

कालिगण्डकि गाउँपालिकाका तीनवटा विधालय सहित स्याङ्जाका ११ वटा विधालयका विधार्थीहरुलाई सैक्षिक सामाग्रि वितरण गरिएको छ ।
चाइना फाउन्डेसन फर पुभर्टि एलिभेसनको आर्थिक सहयोग तथा रास्ट्रीय अपाङ्ग पुनर्स्थापना समाज अनामनगरको बिशेष पहलमा शैक्षिक सामाग्रि वितरण गरिएको हो । वालालिकालाई टिफिन बकस,हाइजिन कीट,कलरबक्स, एक्सरसाइज बुक,पानीको बोतल,झोला वितरण गरिएको थियो ।
कालीगण्डकी गाउँपालिका भित्रका तिनओटा बिद्यालय श्री जनता माध्यमिक बिधालय बिर्घा,श्री सृजना आधारभुत बिधालय बनकसी र दुर्गा आधारभुत बिधालय मुडकिनाका करिब ३५१ जना छात्रछात्रा हरुलाई शैक्षिक सामाग्रि बितरण गरिएको थियो ।

सृजना आधारभुत  विधालयका प्रधानाध्यापक काशिराम पान्डेयको अध्यक्षता तथा कालीगण्डकी गाउपालिकाका अध्यक्ष खिमबहादुर थापाको प्रमुख आतिथ्यता भएको शैक्षिक सामाग्रि बितरण कार्यक्रममा नेपाल मेडिकल काउन्सिलका बोर्ड सदस्य किशोर बिक्रम मल्ल,गाउ पालिकाका उपाध्यक्ष सावित्री कोइराला,रास्ट्रीय अपाङ्ग सन्जालका प्रतिनिधि ,शिक्षक महासङ्घ स्याङ्जाका अध्यक्ष पशुपति पान्डेय,नेपाल बाल संगठन स्याङ्जाका अध्यक्ष सुजन भट्टराईले आ-आफनो धारणा राखेका थिए ।
नेपाल बाल सङ्गठन स्याङ्जाको सक्रियता र समन्वयमा बालबालिकाहरुलाई शैक्षिक सामाग्रीहरु वितरण गरिएको कार्यक्रम संचालक एब्म  सृजना आधारभुत  विधालयका ब्यबस्थापक समितीका अधक्ष्य यादब प्र. पाण्डेले राष्ट्र डेली लाई जानकारी दिनुभयो।

आफ्नो जन्मभुमी तथा आफ्नो बाल्यकालमा अध्ययन गरेको बिद्यालयहरुलाई यसरी सहयोग गर्ने विधार्थी सुजन भट्टराईलाई सवैले मुक्त कण्ठले प्रशंसा गर्नुका साथै सधै सामाजिक काममा लाग्न आग्रह गरेका थिए ।