स्याङ्गजा जिल्लाको कालीगण्डकी गाउँ पालिका वडा न ७ को मिर्मी बस्ति बिस्तारै जोखिममा पर्दै जान थालेको छ । नेपालकै ठूलो जलबिधुत उत्पादन हुने कालीगण्डकी ए ड्याम भन्दा झण्डै दुई सय मिटर पुर्बको जमिन प्रत्येक बर्ष को बर्षायाममा कालीगण्डकी नदिले कटान गर्न थालेपछि मिर्मि जोखिममा पर्दै जान थालेको हो ।

प्रत्येक वर्ष  नदिले जमिन कटान गरिरहदा पनि सम्वन्धित निकायको ध्यान नदिएको स्थानिय वासिन्दाले गुनासो गर्दै आईरेहका छन । समस्याको वारेमा धेरै पटक कुरा राखियो तर सम्वन्धित निकायले सुनेको नसुनेझै गर्छन, स्थानियले भने  ।

नेपाल बिधुत प्राधिकरणले डाँडामा एक्साभेटर (डोजर) लगाई सडक बनाउने गरिरहेको छ जसको कारण पनि थप समस्या देखा पर्दैजान थालेको छ । डाडावाट झरेको माटोसिधै डयाममा खसाले पनि नदिमा माटोको सतह वढिरहेको  वताउछन । यसैगरी ड्याम साइड जाने र स्याङ्गजा-गुल्मी जोड्ने सडकलाई पनि अव वैकल्पिक वाटो खोज्नु पर्ने अवस्था आईसकेको छ । वेलैमा नसोच्दा मिर्मि कालगण्डकिमा पुग्ने त होइन भन्ने चिन्ता मिर्मिवासीमा छाउन थालेको छ । यस्ता समस्यालाई वेलैमा सोचेर आवश्यक कदम चाल्न समेत मिर्मिवासीले सम्वन्धित निकायको ध्यानाकर्षण गराईरहेका छन ।