७ माघ २०७७, बुधवार
कास्की जिल्ला भलिबल संघको आयोजनामा गण्डकी प्रदेश प्रथम मुख्यमन्त्री कप जिल्ला स्तरीय भलिबल प्रतियोगिता सञ्चालन गर्ने भएको छ ।
मंगलबार प्रतियोगिताबारे जानकारी गराउँदै, प्रतियोगिता संयोजक खगेन्द्र गौचनले ‘गण्डकी प्रदेश प्रथम मुख्यमन्त्री कप जिल्ला स्तरीय पुरुष तथा महिला भलिबल प्रतियोगिता–२०७७’ गर्न आयोजना गर्न लागिएको जानकारी दिनुभयो ।
प्रतियोगताबाट उत्कृष्ट खेलाडी उत्पादन गर्ने कास्की जिल्ला भलिबल संघका अध्यक्ष भीम पराजुलीले बताउनुभएको छ ।
प्रतियोगिताको प्रथम हुने महिला र पुरुष दुबैले समान दुई–दुई लाख रुपैँया तथा उपविजेताले समान एक–एक लाख रुपैँया एवम् तृतिय हुनेले नगद ५० हजार रुपैँयाको साथमा कप, मेडल र प्रमाणपात्र प्राप्त गर्नेछन ।
यस्तै प्रतियोगिताको विधागत उत्कृष्ट महिला पुरुष दुवैले समान पाँच हजार रुपैँयाको साथमा कप र प्रमाणपत्र प्रदान गरिने छ ।
आगामी फागुन ४ गते देखि ८ गतेसम्म पोखरा रंगशालामा हुने प्रतियोगितामा प्रदेशका ११ जिल्लाका महिला पुरुष गरी २२ टिमको सहभागिता रहनेछ ।
प्रतियोगिता संचालनको लागि करिब ५४ लाख ३४ हजार ८ सय रुपैँया खर्च लाग्ने अनुमान गरिएको छ ।
प्रतिक्रिया
सम्बन्धित खवर
