२२ आषाढ २०७८, मंगलवार

वैदेशिक रोजगारीका सिलसिलामा मलेसियामा मृत्यु भएका ५२ जना नेपालीको शव तत्काल नेपाल फर्काउन नेपाली जनसम्पर्क समिति मलेसियाले सरकारसँग माग गरेको छ ।

नेपाली जनसम्पर्क समिति मलेसियाका सभापति चोलाकान्त पंगेनीले मलेसियामा मृत्यु भएका  नेपालीको शव तत्काल स्वदेश फर्काउन सरकारसँग माग गरेका हुन् ।

शव तत्काल नेपाल फर्काएर परिवारलाई जिम्मा लगाउने व्यवस्था मिलाइदिन सरकारसँग पहल गरिदिन नेपाली कांग्रेस केन्दीय कार्यालयमार्फत पंगेनीले आग्रह गरेका छन् ।

लामो समय देखि शवहरु मलेसियामा रहेका छन उता परिवारमा शव हेर्न समेत पाएका छैनन यो अवस्थामा राजनितिक खिचातानीमा नअल्झि शव नेपाल पठाउन सवै मिलेर पहल गर्नु पर्ने भएको छ उनले भने ।

हप्तामा तीन दिन मलेसियाको उडान खुले पनि ती जहाजले नेपाल शव नलगेको  कारण लामो समयदेखि मलेसियामा शव थन्किएको उनले बताए ।

कोरोनाका कारण लामो समयदेखि उडान हुन  सकेको थिएन । नेपालीको शव ल्याउन सरकार गम्भीर बन्नुपर्ने उनले बताए ।

दूतावासले अभिभावकत्व ग्रहण गरे पनि सरकारले पहलकदमी नगर्दा शव नेपाल फर्काउन समस्या भएको उनको भनाइ छ ।  राजनीतिक खिचातानीमा नअल्झी व्यक्तिगत इन्ट्रेस छाडेर मलेसियामा रहेका संघसंगठनलाई श्रमिकका छायाँ परेका मुद्दमा साझा धारणा बनाएर अघि बढ्न उनले सवैमा आग्रह समेत गरेका छन ।