श्री सरस्वती आधारभूत विद्यालय कालीगण्डकी ३ भुष्टुङ्ग स्याङ्जाले आफ्नो ३७औं वार्षिकोत्सब एवं ३६औं अभिभावक दिवस औपचारिक समारोहका बीच सम्पन्न गरेको छ।
सप्ताहव्यापी रुपमा विभिन्न कार्यक्रम गर्दै विगतमा जस्तै आज पुस ११ गते औपचारिक समारोह आयोजना गर्दै विद्यालयले आफ्नो स्थापनाको ३६ औं वार्षिकोत्सब भव्य रुपमा सम्पन्न गरेको हो।
कार्यक्रममा विद्यालय व्यवस्थापन समितिका अध्यक्ष शेर बहादुर थापाको अध्यक्षता,कालीगण्डकी गाउँपालिका उप प्रमुख सावित्रा कोइरालाको प्रमुख आतिथ्यता,वडा अध्यक्ष,कालीगण्डकी प्रज्ञा प्रतिष्ठानका पदाधिकारी,विभिन्न विद्यालयका प्रतिनिधि,सुरक्षाकर्मी,जग्गादाता,अभिभावक,स्थानीय युवा क्लबका प्रतिनिधि, एवं स्थानीयहरुको उल्लेख्य उपस्थिति रहेको थियो।
सोही समारोहमा विद्यालयले दाताहरु,पुर्व शिक्षकहरु संगै हेलो बिर्घा टिमको आग्रहमा विद्यालयलाई कम्प्युटर प्रदान गर्नुहुने कालीगण्डकी ३ भुष्टुङ्ग श्रीडाँडा निवासी रेनुका पाण्डे एवं परिवार त्यसैगरी कालीगण्डकी ४ निवासी आलमदेवीगोमा परिवारलाई सम्मान पत्र सहित सम्मान गरेको थियो। विद्यालयले प्रत्येक बर्ष पुस ११ गते विद्यालयको वार्षिकोत्सब एवं अभिभावक दिवस मनाउदै आएको छ।