३१ भदौ, काठमाडौं, बहराइन अधिराज्यका राजकुमार नासिर बिन हामिद अल खलीफा नेपाल आयका छन । लोबुचे र मनास्लु हिमालको आरोहण गर्ने उद्देश्यसहित विशेष विमानमार्फत ऊनी सहित १८ जनाको टोलि नेपाल आएको हो ।
बहराइनका लागि नेपाली राजदूत पदम सुन्दासले लगभग २ महिना समयावधिको कार्यक्रम सहित नेपाल प्रस्थान आएको सो टोलीले लोबुचे र मनास्लु हिमाल आरोहणलाई पूर्वतयारीको रूपमा लिँदै सन् २०२१ मा सर्वोच्च शिखर सगरमाथा आरोहण गर्ने अभिलाषा लिएको बताए ।
सो टोलीलाई आरोहणका लागि नेपाल आउन दिने प्रस्ताव सम्बन्धमा गत भदौ १४ गतेको मन्त्रिपरिषद् बैठकले स्वीकृति दिएको थियो ।
उनीहरुलाई बहराइनका लागि नेपाली राजदूत पदम सुन्दास, नियोगको द्वितीय सचिव अरूणा घिसिङ, श्रम सहचारी दामोदर दाहाल लगायतले प्रस्थान पूर्व पर्वतारोहणमा सफलताको शुभकामना दिएका थिए ।
