२१ माघ २०७७
विश्वभरि अहिले कोभिड–१९ विरुद्ध खोप अभियान चलिरहेको छ ।
मागअनुसार विभिन्न देशमा उत्पादित ती खोपको आपूर्ति हुन नसेकेकाले पनि खोप लगाउन तछाडमछाडको स्थिति रहेको छ ।
साथै, खोप लगाउन पाउनेहरूले आफूलाई निकै भाग्यमानी पनि ठान्ने गरेका छन् ।
तर, दुःखको कुरा केही स्थानमा खोपको कारण नराम्रो साइड इफेक्ट पनि देखिएका छन् ।
तर, त्योभन्दा दुःखको कुरा कोरोना भाइरसविरुद्धको एक वा दुवै डोजको खोप लिइसकेकाहरू मध्ये पनि केहीमा पुनः कोरोना पोजेटिभ देखिएको खबरहरू सार्वजनिक हुन थालेका छन् ।
अमेरिकाको कंग्रेसका तीनैजना डेमोक्रेटिक सदस्य न्युयोर्कका एड्रियानो एस्पाइल्लाट, मास्साचुसेत्सका स्टेफन लिन्च तथा लोरी ट्राहनमा यो समस्या देखिएको हो ।
अन्य विभिन्न पेसामा संलग्नहरूमा पनि यो समस्या देखिएका छन् ।
अहिले हल अफ फेम बास्केटबल प्रशिक्षक रिक पिटिनो र क्यालिफोर्नियाका एक नर्स यो समस्या भोगिरहेका छन् ।
विशेषज्ञहरूले यो समस्या खोपबाटै आएको हो वा होइन भन्ने यकिन गर्न सकेका छैनन् ।
कोरोना भाइरसविरुद्धका फाइजर–बायोएनटेक र मोडर्ना खोप निकै प्रभावकारी भए पनि शत प्रतिशत ग्यारेन्टी भने दिइएको छैन ।
