११ पौष २०७७, शनिवार
कोरोना भाइरसको नयाँ प्रकार (स्वरूप) फ्रान्समा पनि फेला परेको छ । बेलायतमा उक्त नयाँ स्वरूपकाे भाइरस तीव्र रूपमा फैलिएकाे केही सातापछि नै फ्रान्समा पनि देखिएकाे त्यहाँ अधिकारीहरूले जनाएका छन् ।
केही दिनअघि बेलायतबाटै फ्रान्स फर्किएका एक व्यक्तिमा उक्त भाइरस फेला परेको बताइएकाे छ । भाइरसकाे याे नयाँ स्वरूप चाँडै फैलने खालको खतरनाक भएको बताइएको छ । तर याे कत्तिकाे घातक छ भन्ने कुरा चाहिँ यकीन हुन सकेकाे छैन ।
यही १९ डिसेम्बरमा लण्डनबाट फर्किएका ती व्यक्ति टुअर्स सहरमा बस्ने गरेको र हाल उनी आइसोलेसनमा रहेको फ्रान्सको स्वास्थ्य मन्त्रालयले जनाएको छ । नयाँ भाइरस फेला परेपछि युराेपेली र अन्य मुलुकले बेलायत यात्रामा प्रतिबन्ध लगाएका छन् ।
प्रतिक्रिया
सम्बन्धित खवर
