३० कार्तिक २०७७ प्रहरीले विभिन्न स्थानबाट एक सय १६ जना जुवाडे पक्राउ गरेका छन् । काठमाडौं, सुर्खेत, तनहुँ, पर्वत, गोर्खा, उदयपुर र कञ्चनपुरबाट ती जुवाडेहरु पक्राउ परेका हुन् ।
काठमाडौं, बुढानिलकण्ठ नगरपालिका–८ तल्लो भंगाल थापागाउँबाट २४ जना जुवाडेलाई शनिबार बेलुका प्रहरीले पक्राउ गरेको छ । चार लाख २४ हजार पाँच सय सहित उनीहरु पक्राउ परेका हुन् ।
सुर्खेत, पञ्चपुरी नगरपालिका–२ श्रीचौरबाट रमेश बोहरा लगायत १५ जनालाई दुई लाख २१ हजार ६ सय ७० रुपियाँसहित पक्राउ गरेको छ ।
यसैगरी सुर्खेत, बीरेन्द्रनगर नगरपालिका–४ गौरी टोलबाट दिपेन थापा लगायत ८ जनालाई १ लाख २२ हजार ३ सय ४३ रुपैयाँ नगदसहित पक्राउ गरेको छ ।
तनहुँ, भानु नगरपालिका–१२ मिर्लुङ कवाचितबाट तीन लाख ७५ हजार ६ सय ३० रुपियाँसहित १५ जनालाई पक्राउ गरेको छ । पर्वत, कुश्मा नगरपालिका–४ बाट तीन लाख ४७ हजार ५५ रुपियाँ सहित ४ जनालाई पक्राउ गरेको छ ।
गोरखा, गाउँपालिका–७ खहरेबाट ३४ जनालाई एक लाख ७५ हजार ७ सय ३५ रुपियाँसहित पक्राउ गरेको छ । उदयपुर, त्रियुगा नगरपालिका–१० करमगाछीबाट दुई लाख ४७ हजार १ सय १७ सहित नौ जनालाई पक्राउ गरेको छ ।
कञ्चनपुर, बेदकोट नगरपालिका–३ दैजी बजारबाट सात जनालाई दुई लाख २२ हजार ४ सय ८५ रुपियाँसहित पक्राउ गरेको छ ।
