कुशल व्यवस्थापक कुलमान घिसिङ लाई बदनियतपूर्ण रूपमा बर्खास्त गरिएको भन्दै विभिन्न संगठन, नागरिक समाज र युवाहरू आन्दोलित भएका छन्।

वाईसियल नेपाल, अखिल (क्रान्तिकारी), मजदुर संगठन, समाजवादी मोर्चा, स्वतन्त्र नागरिक समाज लगायतका जनसंगठनहरू, बौद्धिक वर्ग र युवाहरूले सरकारको निर्णयको तीव्र विरोध गर्दै प्रदर्शन गरेका छन्। 

प्रदर्शनकारीहरूले “लोडसेडिङ अन्त्य गर्ने व्यक्तिलाई हटाउनु जनविरोधी निर्णय हो”, “भ्रष्टाचार ढाकछोप गर्न कुशल नेतृत्वलाई हटाउने षड्यन्त्र अस्वीकार्य छ!” जस्ता नारासहित सडक तताएका छन्। 

कुलमान घिसिङले विद्युत् क्षेत्रलाई संकटबाट निकाल्दै उज्यालो नेपाल बनाएको भन्दै उनलाई हटाउनु सरकारको अदूरदर्शिता भएको आक्रोश प्रदर्शनकारीहरूबाट व्यक्त भएको छ। यदि सरकारले आफ्नो निर्णय सच्याएन भने देशव्यापी आन्दोलन गर्न बाध्य हुने चेतावनीसमेत प्रदर्शनकारीहरूले दिएका छन्।

#rastradaily