२४ बैशाख २०७८
बाँकेमा कोरोना संक्रमणबाट थप ८ जनाको मृत्यु भएको छ ।
जिल्ला कोभिड–१९ संकट व्यवस्थापन केन्द्र, बाँकेका फोकलपर्सन तेजबहादुर वलीका अनुसार मृत्यु हुनेमा नेपालगन्जका ६ जना, बर्दिया र कैलालीका एक/एक जना छन् ।
नेपालगन्ज उपमहानगरपालिका–६ का ३४ वर्षीय पुरुष, वडा नं. १८ का ५६ वर्षीया महिला, वडा नं. ३ का ५२ वर्षीय पुरुष, वडा नं. १२ का ६० वर्षीया महिलाको गएराति कोरोनाका कारण मृत्यु भएको छ ।
यस्तै नेपालगन्ज उपमहानगरपालिका वडा नं. १० कि ५४ वर्षीया महिला, वडा नं. ६ का ५४ वर्षीय पुरुषको पनि कोरोनाका कारण मृत्यु भएको छ ।
यस्तै बर्दिया बारबर्दियाका ४७ वर्षीय पुरुषको भेरी अस्पतालमा मृत्यु भएको छ ।
कैलाली टीकापुरका ४८ वर्षीया महिलाको पनि कोरोनाका कारण मृत्यु भएको छ ।
