२० बैशाख २०७८
रुपन्देहीमा एकैदिन ५ सय ७९ जना कोरोना संक्रमित थपिएका छन्।
सोमबार देशभर ७ हजार ४ सय ४८ जना संक्रमित थपिदा रुपन्देहीमा ५ सय ७९ जनामा कोरोना संक्रमण पुष्टि भएको हो।
स्वास्थ्य कार्यालय रुपन्देहीका अनुसार पछिल्लो २४ घण्टामा १ हजार २ सय ८४ जनाको पिसिआर परीक्षण गर्दा ५ सय ७९ जनामा कोरोना संक्रमण पुष्टि भएको हो। यो अवधिमा जिल्लामा ११ जना कोरोना संक्रमितको मृत्यु भएको छ।
सोमबार थपिने संक्रमितमध्ये २ सय ५१ जना बुटवल उपमहानगरपालिका भित्रका छन्।
बुटवल पछि तिलोत्तमा नगरभित्रका १ सय २६, सिद्धार्थनगर नगरपालिकाका ९० जना, सैनामैनाका ३२ जना र देवदहका २० जना संक्रमित थपिएको स्वास्थ्य कार्यालयको भनाई छ।
प्रतिक्रिया
सम्बन्धित खवर
