नेकपा एमाले तथा जनताको बहुदलीय जनवाद आफ्नो मार्ग सिद्धान्त भएको साथै अबका दिनमा समेत एमालेकै अध्यक्ष ओलीको नेतृत्वमा नै सरकार सञ्चालन हुुनुपर्ने तर्कका साथ माधव समूहका ५ सांसदहरु ओली समूहको कार्यक्रममा उपस्थित हुनुभएको हो ।
प्रधानमन्त्री ओलीले आज वालुवाटारमा आयोजना गर्नुभएको चियापान कार्यक्रममा माधव समूहका माया ज्ञवाली न्यौपाने, बिष्णु शर्मा, गंगा चौधरी, गोपाल वम र समिना हुसेन उपस्थित हुनुभएको हो ।
अध्यक्ष ओलीले आयोजना गरेको कार्यक्रममा माधव, झलनाथ खनाल तथा बामदेव गौतमसहितको उक्त समूहले वहिस्कार गरेको थियो ।
चार जना प्रधानमन्त्री ओली समूहमा आएसँगै माधव समूहको पार्टीमा बाहुल्यता अत्याधिक कमजोर भएको छ ।
३८ जना संघिय सांसद रहेकोमा आज ५ जना ओली समूहमा आएसँग अब ३३ जना सांसदहरु मात्र माधव समूहमा रहेका छन् । ओली समूहमा भने संघिय सांसदको संख्या बढेर ८८ जना भएका छन् ।
