२ पुष २०७७
मोरङको बेलबारी नगरपालिका–९ माझी गाउँमा नारायण आचार्यले पालेको कुखुरा फार्ममा बिहीबार बिहान आगलागी हुँदा ९ सय चल्ला जलेर मरेका छन् ।
फार्ममा पालीयका आठ सयवटा ब्रोइलर र एक सयवटा लोकल कुखुराका चल्ला मरेका छन ।
बिहान २ बजेतिर सुरु भएको आगो स्थानीय बासिन्दा, प्रहरी र दमकलको सहयोगमा एक घण्टापछि नियन्त्रणमा लिइएको थियो।
फूसको छानो भएको फार्ममा विद्युत सर्ट भएर आगो लागेको हुनसक्ने अनुमान प्रहरीले गरेको छ। करिब छ लाख बढीको क्षति भएको छ।
