१५ भाद्र २०७८, मंगलवार
एजेन्सी / अमेरिकामा एकजना युवकले यौन सन्तुष्टिका लागि भन्दै आफ्नो यौनांगभित्र ६ वटा सिमीका गेडा हाले । तर ती सिमीका गेडा उनको यौनांगभित्रको नली (युरेथ्रा) मै अडि्कएपछि उनलाई आपतकालीन अवस्थामा अस्पताल दौडाउनु परेको छ ।
नाम नखुलाइएका ती ३० वर्षीय युवक अमेरिकाको मिचिगनका बासिन्दा हुन् ।
Urology Case Report नामक जर्नलमा छापिएको रिपोर्ट अनुसार उनले विर्यस्खलको प्राकृतिक झट्काले नै सिमीका गेडा बाहिर हुत्याउन सकिने अनुमान गरेका थिए । तर उनी असमर्थ भए ।
अस्पतालमा आएपछि पनि उनले सुरुमा डाक्टरहरुलाई सत्य कुरा बताएनन् ।
डाक्टरहरुले उनको यौनांगको सिटी स्क्यान गर्दा नलीभित्र १५ मिलिमिटर साइजका ६ वटा सिमीका गेडा देखिए । डाक्टरहरुले ती मध्ये एउटा सिमीको गेडालाई क्रिम लगाएर हातले निचोर्दै बाहिर निकाले । अन्य पाँच वटा गेडा त्यसरी निकाल्न सकिएन । अर्को दिन शल्यक्रिया गरेर उनको यौनांगको नलीबाट थप ५ वटा सिमीका गेडा बाहिर निकालियो ।
शल्यक्रियापछि ती युवकलाई सोही दिन अस्पतालबाट डिस्चार्ज गरिएको र उनी हाल स्वस्थ रहेको डाक्टरहरूको भनाइ छ ।
एजेन्सी
