१८ असोज २०७७, आइतवार
विराटनगर । कोरोना संक्रमणबाट विराटनगरमा थप एकजनाको मृत्यु भएको छ ।
विराटनगरको कोशी अस्पताल कोभिड-१९ उपचार केन्द्रमा एक संक्रमितको मृत्यु भएको हो ।
विराटजगर महानगरपालिका ९ का ६२ वर्षीय वृद्धको उपचारका क्रममा आइतबार बिहान करिब साढे ८ बजे मृत्यु भएको केन्द्रका प्रमुख चिकित्सक दीपक सिग्देलले जानकारी दिए ।
मधुमेहका बिरामी वृद्धमा शुक्रबार कोरोना पोजिटिभ देखिएको उनले बताए ।
बुढीगंगा गाँउपालिकास्थित विराट शिक्षण अस्पतालमा उपचार भइरहँदा स्वास्थ्य अवस्था गम्भीर हुँदै गएपछि वृद्धलाई शनिबार कोभिड-१९ केन्द्रमा रेफर गरिएको थियो ।
