१० असोज २०७७, शनिवार
जापानले अक्टोबरदेखि सबै देशका लागि प्रतिबन्ध खुल्ला गर्नेभएको छ । प्रधानमन्त्री योशिहिदे सुगाले शुक्रवार बताए अनुसार अक्टोबर महिनाबाट विद्यार्थी समेतका सबैलाई प्रवेश गर्न दिइनेछ । तर पयर्टकहरुका लागि भने अक्टोबर पनि खुल्ला नहुने भएको छ ।
कोरोना भाइरस नियन्त्रणका लागि गठित गरेको कार्यदलका माझ सुगाले भने-‘अर्थतन्त्रलाई पुनर्जीवित गर्न अन्तर्राष्ट्रीय यात्रा खुल्ला गर्नु अपरिहार्य छ,त्यसैले सरकारले यस्तो निर्णय गरेको हो ।’
जापानमा पछिल्ला केहि सातायता कोरोना भाईरसका नयाँ संक्रमितको संख्या घट्दो क्रममा रहेको छ । यसका साथै विमानस्थलमा परीक्षण क्षमता पनि वृद्धि गरिएको छ । जापान सरकारको यो निर्णयले नयाँ भिसामा जापान आउन प्रतिक्षारत हज्जारौँ मानिसहरुलाई खुसी तुल्याएको छ ।
