काठमाण्डाै – काठमाण्डाै उपत्यकामा कोरोना भाइरस सङ्क्रमितको सङ्ख्या १२ हजार पुगेको छ ।
स्वास्थ्य तथा जनसङ्ख्या मन्त्रालयका सह-प्रवक्ता डाक्टर समिरकुमार अधिकारीले काठमाण्डाै उपत्यकामा अहिलेसम्म १२ हजार दुई सय ४८ जनामा सङ्क्रमण देखिएको बताउनुभयो । तीमध्ये १० हजार सङ्क्रमित काठमाण्डाै जिल्लाका मात्रै रहेका छन । काठमाण्डाैमा महिला तीन हजार ३०२ र पुरुष छ हजार ७२४ जना रहेका छन् ।
यस्तै ललितपुरमा एक हजार एक सय ९१ जनामा तथा भक्तपुरमा एक हजार ३१ जनामा कोरोना पुष्टि भएको छ । पछिल्लो पटक लकडाउन खुकुलो भएसँगै उपत्यकामा सङ्क्रमितको सङ्ख्या बढ्न थालेको हो । अहिले दैनिक चार सय जनाको हाराहारीमा उपत्यकामा सङ्क्रमित बढ्न थालेका छन् । हिजोमात्र उपत्यकामा पाँच सय १२ जना सङ्क्रमित फेला परेका छन ।
