स्याङ्जा — कालिगण्डकी गाउँपालिका वडा नं. ७ स्थित छितार मिर्मी लिफ्टिङ खानेपानी तथा सिंचाई आयोजनाको पाइपलाइन विस्तार कार्य तीव्र गतिमा अगाडि बढिरहेको छ। आयोजनाको कार्यप्रगति र गुणस्तरको मूल्यांकन गर्न आयोजना समितिले स्थलगत निरीक्षण गरेको छ।

समितिका अध्यक्ष रमेश भट्टराईका अनुसार आयोजनाको काम निर्धारित मापदण्डअनुसार समयमै सम्पन्न गर्न समिति प्रतिबद्ध छ। उनले स्थानीय बासिन्दाको सहकार्य र सुझावले कामलाई थप प्रभावकारी बनाएको उल्लेख गर्दै पारदर्शिता र उत्तरदायित्वमा कुनै सम्झौता नगरिने बताए।

यस आयोजनाबाट खानेपानी र सिंचाईमा सहजता ल्याउँदै स्थानीय समुदायको जीवनस्तर उकास्न महत्वपूर्ण योगदान पुग्ने अपेक्षा गरिएको छ।