१४ भाद्र २०७७, आइतवार
पाल्पा जिल्लाको रम्भा गाउँपालिका १ हुगिको संघामा विद्युत सर्ट भई आगोलागी हुदा लाखौ रुपैया बराबरको क्षति भएको अनुमान गरिएको छ ।
आईतबार दिउँसो संघामा रहेका श्री कृष्ण गण्डकी युवा क्लव, युवा सुचना केन्द्र र ठूलिटार सामुदायिक बन कार्यालयको सामुदायिक भवनमा अचानक विद्युतको तार सर्ट भई आगो लागेको थियो ।
आगोलागी हुँदा भवनमा रहेको प्लास्टिकका कुर्ची, ८ थान कम्प्युटर, १ थान एलइडी टिभी, टेन्डहाउसमा प्रयोग गर्ने कपडा, भाडाँकुडा, ७ थान काठको दराज पूर्ण रुपमा क्षति भएको छ । प्रहरी र स्थानीयहरुको सहयोगमा आगो निभाईएको थियो । घटनाको थप विवरण भने आउन बाँकी रहेको प्रहरीले जनाएको छ ।
प्रतिक्रिया
सम्बन्धित खवर
