२०७८ पुष २१, बुधबार
डडेल्धुराका आलु कृषकले खेतीमा डडुवा लाग्दा फेरि क्षति व्यहोर्नु परेको छ ।
नवदुर्गा गाउँपालिका वडा नंबर २ र ३ क्लष्टरका कृषकहरुले दोश्रो खेतीको रुपमा ६ सय क्वीन्टल आलु बिउ लगाएकोमा आधा जति आलुमा डडुवा लागेको छ ।
प्रधानमन्त्री कृषि आधुनिकीकरण परियोजना इकाई आलु सुपरजोन कार्यालय डडेल्धुराले कृषकलाई प्राविधिक परामर्श दिँदै औषधि र भिटामिन छर्केर उपचार गर्न सुझाव दिएको छ ।
परम्परागत खेती गहुँलाई विस्थापित गर्दै आलु खेतीमा लागेका नवदुर्गाका कृषकलाई स्थानीय सरकारले २५ प्रतिशत बजेट अनुदानबाहेक अरु कुनै चासो नदिएकोमा कृषकले गुनासो गरेका छन् ।
स्थानीय सरकार, प्रदेश सरकार र परियोजनाको अनुदान, विमा शुन्क अनुदान तथा किसानहरुलाई आवश्यक सहयोग प्राप्त हुन थालेपछि गत वर्षको तुलनामा चालु आर्थिक वर्षमा आलु उत्पादन बढेसँगै डडेल्धुरामा चक्लाबन्दि प्रणालीमा १२ हजार रोपनी अर्थात ६ सय बढि हेक्टर आलुखेती विस्तार भएको थियो ।
प्रतिक्रिया
सम्बन्धित खवर
