११ भाद्र २०७७, बिहिवार
कर्तव्य ज्यान मुद्दामा पक्राउ परेर हिरासतमा रहेका रौतहटका एक युवाको उपचारको क्रममा मृत्यु भएको छ ।
गत साउन ३२ गते रौतहटको गरुडा नगरपालिका वडा नं. ८ जिगंडवाका २० वर्षीय निरञ्जन रामको घाटी रेटेर हत्या गरेको अभियोगमा पक्राउ परेका १९ वर्षिय विजय राम महराको उपचारको क्रममा मृत्यु भएको प्रहरीले जनाएको छ ।
हिरासतमै रहेका बेला स्वास्थ्य अवस्था बिग्रिएपछि उनलाई थप उपचारको लागि वीरगञ्जको नेशनल मेडिकल कलेजमा लगिएको थियो ।
जिल्ला प्रहरी कार्यालय रौतहटका उपरीक्षक रविराज खड्काका अनुसार ‘किड्नीमा समस्या रहेकोले उनलाई थप उपचारको लागि वीरगञ्ज पठाएका थियौं । गएराति उपचारकै क्रममा उनको मृत्यु भयो ।’
