रमेश भटटराई/ विराटनगर

२८ भाद्र २०७८, सोमवार

चौधरी फाउण्डेशनले ग्रामिण र दुर्गम स्थानका बिपन्न समुदायलाई लक्षित गरि संचालन गरिएको ‘अप्रेशन दृष्टि’ कार्यक्रम पुन: सुचारु         गरेको छ ।

कोभिडका कारण लामो समयदेखि अबरुद्द हुदै आएको सो कार्यक्रम यहि आईतवारदेखि सुनसरीको गढि गाउपालिकाबाट सुरु गरिएको सिजी ग्रुपका प्रादेशिक प्रशासक रामजी कटवालले जानकारी गराए ।

गढि गाउपालिकाको सतेरझोडा र औराबनिमा रहेको स्वास्थ चौकिमा सो कार्यक्रम संचालन गरिएको थियो ।

कार्यक्रममा बिराटनगरस्थित दिब्य दृष्टि आँखा अस्पतालका अनुभवि चिकित्सकहरुले ‘अप्रेशन दृष्टि’ कार्यक्रम मार्फत निशुल्क सेवा प्रदान गरेका थिए ।

‘अप्रेशन दृष्टि’ कार्यक्रम मार्फत कुल २ सय ५६ जना मध्ये ७१ जनामा मोतियाबिन्दुको समस्या देखिएको र उनीहरुलाई निशुल्क अप्रेशनको ब्यवस्था गरिने कटवालले बताए ।

शिक्षा, स्वास्थ, बिपद र मानबिय सेवाको क्षेत्रमा काम गर्दै आएको चौधरी फाउन्डेशनले बजार तथा आवगमन सहज भएसंगै दुर्गम तथा ग्रामिण क्षेत्र लक्षित आफ्नो कार्यक्रम ‘अप्रेशन दृष्टि’ र सिजी केयर्सका मानबिय सहायता कार्यक्रमहरुलाई निरन्तरता दिईने कटवालले जानकारी गराए ।