१७ भाद्र २०७८, बिहिवार
बेलायतबाट नेपाल कलाकार संघ, यूकेको प्रस्तुति र सुमन पुनद्वारा निर्माण गरिएको देश प्रेमले ओतप्रोत राष्ट्रिय भावको गीत “हामी नेपाली हामी गोर्खाली” सार्वजनिक गरिएको छ ।
गीतमा सुरेश राज पाठक, मनसुधन थापा मगर, ममता गुरुङको स्वर रहेको छ भने कल्पना आङबुहाङले शब्द लेखेकी हुन् ।
अशोक कुमार राईको संगीत रहेको सो गीतको कम्पोज गंगा राज राईले गरेका हुन् ।
देशभक्ति उक्त गीतको भिडियोमा रोमियन लिम्बू, ध्रुब दत्त, सिर्जना निङ्लेखु, आस्था जोशी, दीपक मैथाने मगर, सन्तोष राई, परशुराम राई, कुमुद पन्त, प्रतिमा दुधराज, इन्दु लिम्बूको अभिनय रहेको छ भने शान्त कुमार राईले निर्देशन गरेका छन् ।
